الركيزة الاولى في اي تمرين هي #الاداء الصحيح بما يعني برشا مالمستجدين خاصة يكون اهتمامهم بالوزن اكثر من الاداء يبدى متاثر بالناس الي تتمرن معاه ويحب يهز اعلى اوزان في اقل وقت ممكن و هذا غالط و ينجم يتسبب في اصابة لا سمح الله لذا يلزم تركيزنا يكون اكثر على طريقة الاداء الصحيح و مباعد الاوزان توا تجي بطبيعتها
الحاجة الثانية #التركيز برشا ناس كيف يبدى يتمرن و خاصة و قت الي يكون مع صاحبو يتلاهى في الحديث و حتى كيف يبدى يخدم في تمرين يبدى يحكي و مخو مش مع التمرينة كان بدنو يخدم و هذا غالط لانو التركيز و التفكير في العضلة الي انت تخدم فيها يخليك تتحكم فيها اكثر و #تحس بيها و التمرين يتركز اكثر عليها
الحاجة الثالثة التنفس هاذي حكاية برشا ناس تهملها راهو مهم برشا لانو يزيد في ضخ الدم للعضلة و تتحل اكثر
هاذم ركائز اساسية لازم تتوفر في تمرينك و تحرص عليهم و توا ترى الي ادائك تحسن و العضلات تولي تاخذ كفايتها من التمرين
Aucun commentaire:
Enregistrer un commentaire